Lokaumferð

Þá hefur síðast umferð hjá Nafnlaus Golffélaginu farið frá á þessu ári. Spilað var á Korpunni í alveg ágætis veðri. Einn leikur var í Holukeppninni en þar vann Ingi sinn leik á móti Gumma. Spenna var í Punktakeppninni en röð efstu manna breyttist þó ekkert. Besta skor dagsins var hjá Samma, alls 36 punktar.

Sigurvegari Punktakeppninnar þetta árið var undirritaður. Í öðru sæti var Sigþór Magnússon og í því þriðja Sigurður Stefánsson. Lokastöðuna má sjá á úrslitasíðunni.

Lokahófið var svo haldið með stæl heima hjá Heimi og Ebbu. Þar fór einnig fram hin árlega lokahóps púttkeppni karla og kvenna. Sigurvegari kvenna, annað árið í röð var Dagrún en formaðurinn hafði svo sigur í karlakeppninni eftir bráðabana við Magnús Inga.

Tilþrifaverðlaun fékk svo Sigurður (fyrir að standa út í Korpu og slá sínum bolta upp úr ánni á loka degi). Siggi fékk einnig sérstök verðlaun fyrir topp mætingu í sumar en hann missti ekki af einu einast skipti.

Aron Hauksson var svo verðlaunaður fyrir mestu framfarir sumarsins, þ.e. mestu lækkun forgjafar.

Annars urðu úrslit þessi í keppnum sumarsins:

Punktakeppni

1. Emil Hilmarsson
2. Sigþór Magnússon
3. Sigurður Stefánsson

Deildarmeistari Nafnlausa Golffélagsins 2011

1. Guðlaugur Einarsson
2. Sigurður Stefánsson
3. Ólafur Hafsteinsson

Deildarmeistari 2011

 

 

 

 

Formaðurinn

Emil Hilmarsson

Næst síðast umferðin

Síðasta laugardag var næst síðast umferðin hjá Nafnlausu spiluð. Aðeins einn leikur fór fram í holukeppninni. Þar hafði Ingi sigur á Magga, 1-0.

Þó veðrið hafi verið mjög gott mættu aðeins 7 úr hópnum.

Ljóst er að staða efstu mann í Holukeppninni mun ekki breytast þó ein umferð sé eftir. Síðasta umferðin verður spiluð á Korpunni næsta laugardag og verður lokahófið hjá Heimi í Skerjafirðinum þá um kvöldið. Það stefnir í góða mætingu á seinast leikdegi og enn betri um kvöldið en búast má við "fullu" húsi.

Það er enn spenna í punktakeppninni og ekki ljóst hverjir munu skipa þrjú efstu sætin. Það getur allt gerst á laugardaginn

Sjá stöðuna á úrslitasíðunni

Formaðurinn

17. umferð í Grafarholtinu

Í dag var spiluð umferð í Grafarholtinu í þvílíkri blíðu. Mæting var þokkaleg og fyllt var upp í með gestaspilurum. Eini leikurinn sem fram fór í Holukeppninni var viðureign Heimis og Gumma. Það var æsispennandi leikur alveg fram á seinustu holu en þar hafði Heimir Gumma, 1-0.

Alls mættu 8 félagar til leiks í dag og átti Gulli besta hring dagsins. Hann spilaði á 37 punktum.

Samkvæmt dagskrá eru aðeins tveir spiladagar eftir. Enn eru örfáir leikir eftir í Holukeppninni og er mönnum frjálst að spila þá hvenær sem er og eru menn hvattir til að koma sér saman um leikdag og klára sína leiki. Tilkynna þarf til Formanns þá leiki sem spila á. Þeir leikir teljast þó ekki í Punktakeppninni ef þeir eru spilaðir fyrir utan skilgreinds leikdags,eins og kveðið er á um í reglum félagsins.

Uppfærð úrslit eru á Úrslitasíðunni að venju

Formaðurinn

16. umferð

!6. umferð var spiluð í Holtinu á sunnudagsmorgun. Líklega var þetta eitt besta veðrið í sumar til að spila golf, algjört logn og hiti um 15-17 gráður. Þó mættu aðeins 6 félagar. Enginn leikur í holukeppninni gat farið fram þar sem ekki var nógu góð mæting. Þessir leikir töldu þó í punktakeppninni. Uppfærð staða er á úrslitasíðunni.

Næsta umferð verður næstu helgi og stefnt er á sunnudag. Þeir sem enn eiga eftir leiki í Holukeppninni eru hvattir til að mæta

Formaðurinn

 

15 umferð

15 umferð var spiluð á Korpunni þann 30. ágúst. Veðrið var nú ekki beisið til að byrja með en þegar líða tók á hringinn batnaði það til muna og varð úr hið fínasta spilaveður. Alls mættu 9 og leikir í holukeppninni voru 3. Úrslit urðu þau að Óli vann Sigþór á síðustu holunni og sama var upp á teningnum hjá Benna og Magga en þar sigraði Benni.

Aðal leikurinn var þó leikur Gulla og Sigga en þeir voru jafnir með 8 vinninga eftir sína leiki í holukeppninni. Þeir urðu þá að spila úrslitaleik til að skera úr um hver yrði Holumeistari 2011.

Gulli byrjaði í svaka gír og var kominn 6 upp fyrir níundu holuna. Þar náði Siggi loks að vinna holu og vann svo næstu 3. Gulli vann þó leikinn að lokum á 15. Þar er Gulli Holumeistari Nafnlausa Golffélagsins 2011. Til hamingju með það Gulli.

Uppfærð úrslit eru komin inn á netið. Minni á að enn eru nokkrir leikir eftir í holukeppninni. Þar sem farið er að skyggja mjög snemma hefur það verið ákveðið að spila síðustu umferðirnar um helgar. Ekki verða því fleiri umferðir á þriðjudögum.

Formaðurinn

Umferð 14

14. umferð hjá Nafnlausu var spiluð á Korpunni. Veðrið var mjög gott, sérstaklega þegar kvölda tók. Reyndar var komið ansi mikið myrkur en allir skiluðu sér í hús að lokum, að ég held.

Topp mæting var en þar sem  nokkrir eru búnir með sína leiki í Holukeppninni þá voru aðeins 4 leikir í þeirri keppni spilaðir. Benni hafði sigur á Inga og Emil á Heimi. Sigþór vann svo sinn leik á móti Gumma og Gulli vann Magga og þar með jafnaði hann Sigga í stigum í Holukeppninni. Þeir munu því leika úrslitaleik um titilinn Holumeistari Nafnlausa Golffélagsins 2011.

Þar sem farið er að dimma ansi snemma er nauðsinlegt að leikir hefjist mun fyrr en venjulega. Í næstu umferð verða leikir þá helst að hefjast ekki seinna em 16:30

Uppfærð staða er komin inn

Formaðurinn

13. umferð

13. umferð var spiluð í Grafarholtinu í gær. Veðrir var mjög gott til að byrja með en kólnaði ansi mikið þegar fór að blása. Einni var orðið ansi dimmt undir lokin, sérstaklega hjá þeim sem fóru síðastir út. Ljóst er að við verðum að byrja eitthvað fyrr á næsta þriðjudag.

Full mæting var í annað sinn á þessu sumri. 5 leikir voru spikaðir í holukeppninni og urðu úrslit þessi:

Gummi-Siggi : skildu jafnir

Óli-Benni : Óli vann 1-0

Maggi-Aron : Maggi vann 3-2

Emil-Ingi : Emil vann 6-5

Heimir-Sigþór: Sigþór vann

Hæsta skor dagsins var 38 hjá formanninum.

Uppfærð úrslit og stað er komin inn á úrslitasíðuna.

Emil

 

Þorlákshöfn - 12. umferð

12. umferð var spiluð í Þorlákshöfn í fínu veðri. Flatirnar voru mjög flottar en völlurinn erfiður að venju, enda sást það á skori dagsins en besta skorið var hjá, 32 punktar og eini leikmaðurinn sem náði að skora yfir 30 punktum.

Alls mættum við 7. Úrslit urðu annars þau að Gulli vann Gumma, Óli vann Inga og Benni sigraði Samma.

Úrslit hafa verið uppfærð á úrslitasíðunni

Fomaðurinn

11. umferð í Grafarholtinu

Þriðjudaginn 2. ágúst var 11. umferð spiluð í Grafarholtinu. Mæting var mjög góð, aðeins vantaði Heimi. Veðrið var líka fínt. Flesta punkta fékk Aron eða alls 37 og fékk lækkun, til lukku með það.

Í fyrsta ráshóp spiluðu Gummi og Aron og vann Aron 5/3. Þart spiluðu einnig Óli og Siggi en þar hafði Óli sigur á síðustu holunni

Í öðrum ráshóp vann Ingi Samma 2/1 og Gulli hafði sigur á Benna.

Í loka hollinu var formaðurinn stakur en Maggi og Sigþór áttu leik. Þar hafði Sigþór sigur á síðast púttinu. Maggi þurfti að setja niður fyrir pari en missti það í skolla. Annars voru þeir iðnir við að setja niður fugla en þeir voru allnokkrir. Til að topp það náði Maggi einum glæsilegum og öruggum erni á 12.

Uppfærð staða er komin inn og nú fara slæmu leikirnir að detta út hjá þeim sem náð hafa 10 hringjum. Inn á punktaskjalið eru þeir punktar sem falla út merktir með rauðu og þeir punktar sem detta út næst (ef spilað er á betra skori) merktir með gulu.

Munið svo að blogga um leikina, menn hafa verið frekar slakir í því.

Formaðurinn

10. umferð á Korpunni

10 umferð var spiluð á Korpunni fimmtudaginn 28. júli eftir að þeirri umferð var frestað vegna veður síðast þriðjudag (þó nokkrir hafi þó spilað 12 holur í blíðunni). 9 meðlimir mættu ásamt einum gesti.

Veðirið var mjög gott seinni 9 þó aðeins hafi ringt á þeim fyrri. Annars urðu úrslitn þau að Óli vann Magga á síðstu holunni Siggi vann einnig Aron (ekki ljóst hvernig). Báðir leikirnir í seinasta hollinu unnust á 17, en þar vann Sigþór Emil og Heimir vann Samma. Besta skor dagsins var hjá Sigþóri eða 36 punktar.

Nú eru búnar 10 umferðir af áætluðum 19 og línur farnar að skýrast. Siggi er efstur í holukeppninni en í punktakeppninni er Aron efstur en fast á hæla hans koma Emil og Siggi.

Sumir eru búnir með fleiri leiki en aðrir. Þeir sem eru með fæsta leikina og þurfa að  fara að bæta í eru Ingi, Benni og Gummi sem eru með 5 leiki og svo Maggi með 6. Aðrir eru með meira

Ný staða er komin ínn á úrslitasíðuna

Formaðurinn