Lokahóf Nafnlausa Golffélagsins 2012

Endapunktur sumarsins hjá okkur í Nafnlausa Golffélaginu var hið árlega lokahóf.

Byrjað var á því að spila létta  liðakeppni og punktakeppni í Grafarholti með mökum. Alls mættu 11 til leiks þar. Fengum fínt veður og mikið gaman skolað niður með slatta af bjór og fuglapelum! 

Um kvöldið var svo blásið til veislu hjá heiðursformanni félagsins. Þar var boðið upp á skötusel í forrétt, lamb og naut í aðalrétt og slúttað með súkkulaðimús. Öllu þessu var svo skolað niður með góðu hvítvíni og rauðvíni. Alls voru 20 manns sem mættu í mat og heppnaðist hófið frábærlega eins og venjulega.

Að venju var svo haldin púttkeppni kvenna og karla. Þar sigraði Sigþór í karlakeppni og húsráðandinn Dagrún í keppni kvenna.

Veitt voru verðlaun fyrir mestu framfarir sumarsins og þau hlaut Siggi.

Annars hlut eftirtaldir verðlaun fyrir leiki sumarsins:

Punktakeppni

1. sæti: Guðlaugur Einarsson

2. sæti: Sigurður Stefánsson

3. særi: Emil Hilmarsson

 

Holukeppni

1. sæti (Deildarmeistari) : Aron Hauksson

2. sæti: Emil Hilmarsson

3. sæti: Ólafur Hafsteinsson

 

Formaðurinn vill þakka félögunum fyrir frábært golfsumar með von um að næsta sumar verði ekki síðra.

kv

Formaður Nafnalausa Golffélagsins

Emil Hilmarsson 

 

Síðast umferð sumarsins

Þá er lokið síðustu umferð sumarsins hjá Nafnlausa Golffélaginu.

Úrslit eru ljós í keppnum sumarsins.

Sigurvegari í Holukeppninni var Aron Hauksson.

Sigurvegari í Punktakeppninni var Guðlaugur Einarsson

Síðasti leikdagur var æsispennandi um hver myndi sigra í punktakeppninni. Siggi, Gulli og Emil spiluðu í síðasta hollinu og áttu allir möguleika á að sigra keppnina. Eftir 17 holur var allt í járnum og gátu þeir allir unnið punktakeppnina. Þó fór svo að lokum að Gulli fór 18. braut á pari og sigraði þar með keppnina.

Besta skor dagsins átti Siggi, alls 38 punkta. Þar að auki tók hann annan örn sinn í sumar á 11. braut.

Sjá loka niðurstöðu sumarsins á úrslitasíðunni.

Minni svo á lokahófið næsta laugardag.

Formaðurinn

18. umferð í Grafarholtinu

Næst síðast umferðin hjá okkur var spiluð í Grafarholtinu sunnudaginn 9. september.

Aðstæður og veður frábært. Mæting var þokkaleg, 9 meðlimir Nafnlausu og tveir gestir.

Aðeins náðist að spila einn leiki í Holukeppninni en þar hafði Jói sigur á Heimi. Flesta punkta dagsins átti Sigþór, með 36 punkta.

Úrslit og stöðu má sjá á Úrslitasíðunni. Þar er einnig Excel skjalið sem úrslit eru færð inn í og geta menn prófað að setja áætlaða punkta á síðasta spila deginum til að sjá hvernig úrslit í Punktakeppninni geta breyst.

Baráttan þar stendur væntanlega á milli 4 efstu manna sem eru Emil, Gulli, Siggi og Aron. Aðrir geta þó blandað sér í baráttuna með mjög góðum hring.

4 leikir eru enn eftir í Holukeppninni og þurfa þeir að klárast fyrir lokadaginn. Menn mega spila sína leiki hvenær sem er en þó fyrir 22. sept. Aðeins er þó bara einn opinber leikdagur eftir (sem telur í Punktakeppninni) og verður hann spilaður um næstu helgi. 

 

Formaðurinn

17. umferð á Korpunni

Spiluð var umferð á Korpunni í gær í frábæru veðri. Þeir sem ekki mættu misstu af frábærum velli í flottum aðstæðum. Mæting var frekar dræm í gær, aðeins 6 meðlimir og 2 gestir.

Tveir leikir fóru fram í Holukeppninni þar sem Sigþór vann Hjört og Siggi sigraði Inga í spennandi leik þar sem Siggi endaði 28 punktum (besta skor dagsins) og Ingi á 37.

Nú eru aðeins tveir leikdagar eftir og verða þeir spilaðir um helgi (9 og 16 sept.) þar sem það er farið að dimma ansi snemma. Þeir leikir sem eftir eru og þarf að klára fyrir lokahófsdaginn, sem er 22. september, eru :

Aron-Sigþór

Benni-Maggi

Gulli-Ingi

Heimir-Jói

Einnig eiga Jói og Hjörtur eftir sinn leik.

Annars er mönnum heimilt að spila sína leiki hvenær sem er. Þeir þurfa bara að tilkynna það til formanns. Það telst þó ekki með í punktakeppni

Athugið að öllum leikjum þarf að ljóka fyrir 22. september

Formaðurinn 

Sjá uppfærða stöðu

Formaðurinn