Ný forgjöf

Nú er GR búið að uppfæra forgjöf meðlima GR samkvæmt tilkynningu frá því í gær. Allavegana er búið að hækka mig upp um 20%.  Þetta er væntanlega í samræmi við getu þ.a. þetta er líklega eðlilegt. Þá er bara að keyra hana niður í sumar, ekki spurning. Hvað finnst mönnum um þetta?

Emil

Athugasemdir

[Aron Hauksson (IP-tala skráð) 11.5.2007 kl. 09:59]

Já ég er einnig kominn með nýja forgjöf fer úr 9,5 í 12,4, stefnan þá að koma sér aftur niður fyrir 10 og vel það.

Aron

[Ingi ólafsson (IP-tala skráð) 11.5.2007 kl. 12:09]

Ég fer upp í 11,3 sem er bara nálægt getu á Korpu og í Holtinu. En aftur á móti fæ ég 13 á Hellu sem gefur væntingar um gott skor þar. Mæli með Nafnlausum hring þar fljótlega, þar hljóta vera tækifæri til lækkunar.

Ingi (járnkall)

[Maggi (IP-tala skráð) 13.5.2007 kl. 22:59]

Það er greinilega erfitt sumar framundann þar sem ég er ekki í hóp þeirra 36% sem hækkuðu í forgjöf.

Nokkurn veginn viss um að félagar mínir hafi séð til þess að ég fengi ekki hækkun.

Það væri samt gaman að vita hvaða forsendur forgjafarnefndin gefur sér við hækkun foörgjafar. 

[Emil (IP-tala skráð) 15.5.2007 kl. 07:55]

Skv. bréfi Gests formanns, til GSÍ, þá eru þetta forsendurnar til breytingar á forgjöf GR félaga:

"Niðurstaða forgjafarnefndar varð sú að endurreikna grunnforgjöf þannig að félagsmenn héldu óbreyttri leikforgjöf á völlum GR. Þessi ákvörðun sætir takmörkunum þannig að hún tekur ekki til þeirra sem hafa landsforgjöf (4,4 og lægra), ekki til þeirra sem hafa hærri forgjöf en 36 og er takmörkuð við þá félagsmenn sem hafa gilda forgjöf, þ.e. hafa leikið a.m.k. 4 forgjafarhringi á undanförnu ári.  Þá er skilyrði um að verulegur hluti síðustu forgjafarhringja sé af völlum GR. Af takmörkuninni leiðir að ca. 40% félagsmanna fá endurreiknaða forgjöf. "