12 manna úrslit, leikdagur 2.

Þá eru Sammi og Benni búnir að spila sinn leik, gefum Benna orðið:

Mér þykir leitt að tilkynna úrslit gærdagsins, fimman hjá Samma var alveg ísköld á fyrri níu meðan ýmislegt gekk upp hjá mér.Úrslitin urðu því sigur 6/5 og ég í skítamálum að fara í frí nánast með aðra hönd á bikarnum.Gerði reyndar samning við Samma um að hann færi áfram fyrir mína hönd og ég fengi þá að hafa bikarinn eina viku í mánuði á móti honum.En nú verður umboðsmaður St Andrews að ákveða framhaldið, Kveðja

Benni

 

12 manna úrslit.

Denni og Heimir hittust fimmtudaginn 9. ágúst og háðu leik um það hvor kemst í 8 manna úrslit.

Spilað var í Grafarholtinu og var veðrið ekkert til að hrópa húrra fyrir, búið að rigna allann daginn, en hélt sér þó að mestu þurum á meðan leik stóð.

Leikskýrsla óskast sem fyrst.

 

Úrslit deildarinnar

Þá er deildin búin að búið að afgreiða öll kærumál og kærufrestur útrunninn.

Úrslitin eru hér til vinstri.

Emil og Maggi þurfa að taka auka leik um það hvor verður í 4. sætinu, þá er það holukeppni.

í 12 mann úrslitum leika þá

Emil/Maggi (5.) - Ingi Þór (12.)

Óli (6.) - Svenni (11.)

Benni (7.) - Samma (10.)

Heimir (8.) - Denna (9.)

 

 

12. leikdagur

Spilað var á Korpunni í drullu roki og leiðinda veðri, flatirnar á Korpunni er enn skelfilegar og vonandi ná þeir að vinna sig útúr þessu og koma með flottar flatir næsta vor.

Þá er deildinni lokið og við tekur úrslita keppnin.

Deildarmeistari er Ingi Ólafs og vann hann deildina mjög sannfærandi.

Við óskum honum til hamingju með titilinn.

 

11.Leikdagur - Úrslit

Spilað var á Korpunni í fínu veðri. Fengum einn "hitaskúr" á okkur annars var veðrið fínt eins og áður segir.

Völlurinn er því miður langt frá því að vera góður og eru grínin virkilega slæm. Maggi lét það ekki hafa áhrif á sig og spilaði 1 undir pari. Aðrir leikmenn voru að spila ágætlega, er það ekki annars Heimir....... 

Spurning að félagar Nafnlausa golfélagsins heimti að Maggi fari í lyfjapróf. Bara til að sýna fordæmi fyrir önnur aðildarfélög PGA og GSÍ. Það er ekki eðlilegt að maðurinn skuli spila einusinni í viku og vera trekk í trekk undir pari vallar.

Eftir næstu umferð er deildarkeppni lokið og úrslit hefjast. Eins menn muna þá eru reglurnar þannig að þeir sem eru í sæti 1-4 sitja hjá í fyrstu umferð en sæti 5-12 spila um að komast í 8 manna úrslit og mæta þá þessum "snilldargolfurum" sem voru í sæti 1-4. Hinir spila um sæti 9-12.

Enn er ekki búið að skipa í lokahófsnefnd. Svo virðist sem að enginn þori að taka það að sér eftir frábæra veislu Benna Hauks síðasta haust. Spurning að byrja frá grunni á pylsu og kók og reyna síðan að toppa það á næsta ári.

11.Leikdagur

Spilað verður á Korpunni.

Við eigum rástíma klukkan 17:30 og 17:40.

Svo virðist sem að það munu bara 6  félagsmenn mæta til leiks þar sem 1/3 mannskapsins er erlendis.

Það stefnir í það að Ingi Ólafs verði deildarmeistari þetta árið nema hægt nema verði að kæra hann fyrir að droppa vitlaust og vísa honum úr keppni. Er verið að fara yfir allar myndbandstökur sem til eru af þeim hringjum sem búið er að spila.

Síðasta umferð verður síðan þriðjudaginn 7. ágúst. Það er möguleiki að spila aukaumferð fram að þeim tíma. Enn eins og menn muna þá verða að minnstakosti tveir félagsmenn Nafnlausa golffélagsins að spila saman.

10. leikdagur

Spilað var í dag í Grafarholtinu í blíðskaparveðri, skýjað, lítill vindur, smá skúr í upphafi en annars þurrt en skýjað.

Góð mæting var 10. mættir

 Helstu tilþrif dagsins voru þau að Maggi spilað á 66 höggum, fékk 6 birdie og aðeins einn bogey.

Úrslitin eru hér til vinstri.

Nú er að komast smá mynd á þetta þegar menn eru að komast í 8 hringi.

Minni menn á að það má leika 3 aukaumferðir og hvet ég menn til að nýta sér það.

9. leikdagur

Þá er 9. leikdegi lokið, spilað var í Grafarholtinu í enn einu blíðviðrinu, þetta er alveg með eindæmum hvernig sumarið er búið að vera.

Ræst var út klukkan 17:00 og 17:20, það var hann Sammi sem stóð sig eins og hetja í að mæta snemma og bóka rástíma.

Úrslit dagsins eru hér til vinstri.

Formaðurinn.

 

Meistaramót, úrslit

Lokastaðan úr meistaramótunum er:

Benni, 3. sæti í 3. flokki GR, glæilegt.
Emil, í 17-18 sæti í 3. flokki GR.
Ingi, 9. sæti í 2. flokki GR.
Aron, 13-14 sæti í 2. flokki GR.
Gulli, 79. sæti í 2. flokki GR.
Sammi, 83. í 2. flokki GR.
Ingi Þór, 7. í 2. flokki GO.

Þetta er glæsilegur árangur hjá okkur mönnum og óska ég þeim öllum til hamingju með árangurinn.

Formaðurinn

Meistaramót 3. leikdagur

Staðan eftir 3 hringi í meistaramótunum er eftirfarandi.

Staðan hjá þeim eftir fyrsta hring er eftirfarandi:

Benni, 3-4. sæti í 3. flokki GR, aðeins 7 höggum frá fyrsta sætinu.
Emil, í 14-16 sæti í 3. flokki GR, 17 höggum frá fyrsta sætinu.
Ingi, 11-12 í 2. flokki GR, 12 höggum frá 1. sætinu
Aron, 18-19 sæti í 2. flokki GR, 15 höggum frá 1. sætinu
Gulli, 75. sæti í 2. flokki GR
Sammi, 84 í 2. flokki GR
Ingi Þór, 4-5 í 2. flokki GO, aðeins 6 höggum frá 1. sætinu.

Þá er aðeins einn hringur eftir og vonandi eiga okkar menn eftir að sýna stjörnuleik og skila inn mikilli lækkun á forgjöf og þeir sem eru í baráttunni að skila góðum hring og komast í vinningssæti. 

Formaðurinn