Mánudagurinn 10. júlí 2006

Aron og Ingi Þór hittust í Oddi og spiluðu sinn leik. Leikar fóru þannig að Ingi Þór hafði sigur á 14. holunni, leikar voru dáldið jafnir á fyrri 9, en þegar Ingi Þór vann 11. 12. og 14. þá var lítið eftir fyrir Aron, Ingi Þór fékk 38 punkta fyrir hringinn og gekk allt í haginn hjá honum, flest pútt sullaði hann niður og skipti engu hvað langt var eftir. Leikskýrsla Inga Þórs:Sælir félagar. Við Aron tókum hring í Heiðmörk í kvöld.  Veðrið lék við okkur og völlurinn í toppstandi.  Við slíkar aðstæður er ekki annað hægt en að spila hörku golf og það gerðum við Aron í kvöld.  Eftir fyrri níu var ég kominn með 19 punkta og Aron 17, og ég átti því 2 holur.  Aron byrjaði betur á seinni 9 og minnkaði strax muninn í 1 holu.  En þá sló hann OOB og munurinn aftur kominn í 2 holur.  Og þá fyrst fór allt að falla mér í hag.  Þrátt fyrir kengslæsa á þeirri 12. langt út fyrir braut kom boltinn til baka í brautarjaðar og á næstu þremur holum raðaði ég niður yfir 5 metra púttum.  Á 14. holu átti ég 5 holur og 4 eftir og því leikurinn unninn.  Ég þá þegar kominn með 31 punkt.  Ég endaði svo hringinn með 38 punkta og þriðju lækkun á 10 dögum.  J   Takk fyrir hringinn Aron. Kv. Ingi Þór   Einnig hittust Sammi og Benni í Grafarholtinu. Leikar fóru þannig að Sammi hafði sigur, Leikskýrsla Samma:Sælir félagar.  Við Benni tókum slag í Holtinu í dag og fóru leikar þannig: Ég tók fyrstu.Önnur og þriðja féllu.Benni tók þá fjórðu.Ég tók næstu 5 og átti 5 eftir 9. Ég tók þá tíundu og Benni þá elleftu.Tólfta og þrettánda féllu og Dormí á Benna en á fjórtándu fékk ég fugl og leikurinn þar með búinn 6/4 Ég verð að taka fram að ég hef ekki séð Benna eða jafnvel ekki nokkurn kylfing eins óheppinn og Benni var í dag.Það bókstaflega gekk ekkert af því sem hann reyndi að gera. Ég var alls ekki að spila gott golf á fyrri 9 en hlutirnir löguðust mikið hjá mér á seinni 9. Ég vil þakka Benna fyrir skemtilegan hring. Sé ykkur á miðvikudag. Kveðja, Sammi  

Keppnisreglur Nafnlausu bikarkeppninnar.

1. Spilað er um Nafnlausa Bikarinn, sigurvegari mótsins verður Nafnlausi Meistarinn.
2. Spilað er holukeppni með fullri vallarforgjöf, hámarksgefin vallarforgjöf er 24, þó getur mismunur aldrei orðið meiri en 18.
3. Forgjöf skal spiluð þannig að mismunur á forgjöf manna reiknast á erfiðustu holur vallarins.
4. Fyrst spila allir við alla holukeppni, eina umferð, við sigur reiknast hálfur vinningur. Ef tveir verða jafnir í lok móts þá er spiluð holukeppni með samskonar forgjafarreglum og í mótinu, 18 holur í Grafarholtinu, verði þeir jafnir eftir það, er bráðabani og fá leikmenn forgjöf á þeim holum sem þeim ber.  Verði fleiri en tveir jafnir í lok móts er spiluð punktakeppni, sömu forgjarareglur og í mótinu 18 holur í Grafarholtinu og er sá sem hefur flesta punkta sigurvegari, verði leikmenn jafnir er spilað punkta bráðabani.
5. Þegar öllum umferðum er lokið er spiluð útsláttarkeppni, þannig sá sem er í fyrsta sæti spilar við þann sem er í fjórða sæti og sá sem er í öðru sæti spilar við þann sem er í þriðja sæti, sigurvegarar þeirra leikja spila svo um sigurinn í mótinu og þeir sem tapa spila um þriðja sætið. spilað er með sömu forgjafarreglum og í umferðunum. Verði leikir jafnir er spilaður bráðabani og fá menn forgjöf á þeim holum sem þeim ber.  Einnig spila 5-8 sætið sambærilega keppni og svo 9-12 sætið osfrv. þegar félagsmönnum fjölgar.
6. Keppendur í hverjum leik geta komið sér saman um keppnisvöll, ef leikmenn geta ekki komið sér saman um leikvöll er Grafarholtið aðalvöllurinn og Korpan varavöllurinn.
7. Leikið er eftir staðarreglum á þeim velli sem spilað er á.  Ég vil benda mönnum á að ef upp kemur ágreiningur um úrslit holu þá samkvæmt reglu 2-5 getur leikmaður komið með kröfu áður en leikur um næstu holu hefst eða á síðustu holu þegar allir leikmenn hafa yfirgefið flötina.  Ef svo er getur mótsstjórnin tekið fyrir þessa kröfu og ákvarðar úrslit viðkomandi holu.  Eftir að leikmaður hefur komið með kröfu þá skulu leikmenn hefja leik á næstu holu og mótstjórnin sker úr um þessa kröfu eftir leikinn.
8. Í hverjum keppnishring skal leikmaður aðeins etja kappi við einn andstæðing í senn.

a)     Ef leikmaður skrópar tvisvar í sama leik eftir að leikur hefur verið settur á, er leikur tapaður.

b)     Mótstjóri sker úr um gildi annarra forfalla.

1. Keppendur geta komið sér saman um annan keppnisdag en taflan sýnir en þó með þeim takmörkum að sé leikmaður kominn með þrjá frestaða leiki, þá telur hann ekki lengur í mótinu, einu gildir hvor óskaði frestunar, ef leikmenn koma sér ekki saman um leikdag er auglýstur leikdagur sá sem gildir.
2. Öllum umferðum skal lokið fyrir 1. september ár hvert og ef umspil þarf til þá er september mánuður notaður í það, öllu umspili skal lokið fyrir Bændaglímu.
3. Ef einhver keppandi getur ekki lokið keppni með ofangreindum skilyrðum, ógildast allir leikir hans.
4. Kærum skal koma skriflega til umsjónarmanna mótsins sem taka á öllum kærum af mikilli festu.
5. Úrslitum leikja skal komið til formanns félagsins sem fyrst eftir leik, með tölvupósti og skal sigurvegari leiksins vera ábyrgur fyrir því ásamt því að lýsa leiknum í stórum dráttum og reyna að búa til spennandi og áhugaverðann texta sem hægt verður að birta á vefsíðunni, hinum félagsmönnum til skemmtunar.
6. Umsjónarmenn móts er alltaf formaður félagsins ár hvert ásamt aðstoðarmanni.

Sunnudagurinn 9. júlí 2006

4 hittust í Grafarholtinu og spiluðu umferð, leikar fóru þannig: Heimir vann Samma.Benni vann Óla. Leiskýrsla Heimis:Í dag fóru fram tveir leikir svo vitað sé. Báðir voru þeir skári en þessi skandall sem fram fór í Berlín í dag undir einhverjum merkjum íþróttaanda... ekki orð um það meir.Í stuttu máli: Ég var lélegur en vann samt. Eftir frekar jafnan leik. Lykillinn að þessum óvænta sigri var á margfrægri 15. Sammi átti forgjöf, ég með tvær upp. Báðir með sæmileg dræf, Sammi þó betra. Annað höggið mitt frekar stutt svo ég átti eftir 170 metra eða svo. Ég hugsaði: "Sko. Ef ég legg upp, þá set ég örugglega beint í pollinn á 4. höggi. Betra að setja strax í helv. pollinn og geta allavega sagst hafa reynt". 3-tréð upp, lamið og sett hægra megin við grín, pinhæ. Sammi lagði upp, setti svo yfir pollinn hægta megin og oni dældina þar, stuttur inná og endar í 7, en ég átti frekar lélegt innáhögg, rétt inná, grín (4. högg) svo ótrúlega lélegt, skakkt pútt, 2 metra frá en setti það í svo holan féll. Svo tók ég létt - skítlétt - par á 16: 3:2.Takk fyrir leikinn Sammi Leikskýrsla Benna:Við mættum tveir á teig á móti Óla.Bakkus sem hafði verið með mér nóttina áður vildi ekki skilja við mig alveg strax og mætti með.Benni minn  -  þú ættir að skella í þig einum köldum sagði Óli, þetta hljómaði vel - svo ættir þú að taka 3 með þér í pokann sagði Sammi.Ég minntist minntist hjálpræðis Samma þegar hann bauð mér bílinn í fyrra og vissi sem var, að það var eitthvað annað en hjálpsemi hjá þessum drengjum í minn garð og ég lét ekki blekkjast.Ein köld malt á teignum og appelsín út á velli lagði síðan grundvöllin að 5/3 sigri sem var óverðskuldaður hjá mér.Gott par hjá Óla kom honum yfir á fyrstu, á næstu brautum nýttum við okkur vel breidd vallarins og vorum gjarnan í hópi með öðrum hollum, óskyldum okkur.Eldri kona skammaði Óla á sjöttu fyrir að  fara í vitlaua átt, og pörupiltar  stálu kúlunni minni á áttundu enda var hún svo sem ekki í alfaraleið.Par hjá báðum á 13. gáfu vonir um að spilamennska væri að hefjast, en Óli dældi tveimur boltum í átt að Rauðavatni á 14. og var þar Dormie eftir að ég lauk holu á 7 höggum.Ég vil helst minnast 15. eftir þessa keppni en þá átti ég 60 metra eftir í þriðja höggi sem ég yfirsló og náði síðan sjaldgæfu pari á þessari martraðarbraut sem ég lék á 17 höggum í mínu fyrsta meistaramóti.Þakka góðan félagsskap í góðu veðri í Grafarholtinu í gær Benni

Miðvikudagurinn 28. júní 2006

Umferð var spiluð á Korpunni í gær, rosalega mikið rok var, en völlurinn er allur að koma til, flatirnir þokkalegar. Leikar fóru þannig Heimir vann Inga Þór á 14. holunniMaggi vann Inga á 18. holunni.Denni vann BennaEmil vann GullaSvenni vann Samma Svenni var með smá sprell og gaf Inga Þór nýja spariskó, þar sem hann var búinn að breyta uppáhalds spariskónum sínum í golfskó, eftirfarandi er sú mynd sem tekin var við afhendinguna.  Leikskýrsla Heimis:SælirEkki´leist mér á í upphafi þegar Ingi Þór birtist með bleiku skóna. Ég varð að gera formlega athugasemd: þetta væru ekki softspæks og ekki möguleiki að hann fengi að spila í þeim. Varð hann að taka þeim rökum en þetta setti hann augljóslega út af laginu. Leikurinn hófst í fínu veðri; kjöraðstæður, skýjað, hiti og logn (sem var á frekar mikilli hraðferð út á Faxaflóa að ég held). Ég vann fyrstu á pari, setti niður langt pútt og var það forsmekkurinn, því pútterinn, sem hefur verðið ískaldur og frosinn í meira en ár, var glóandi framan af. Önnur féll og þriðju henti Ingi frá sér út í Korpu. Ég paraði (nokkurra m pútt) og Ingi, búinn með 3 högg, reif upp merkið og gleymdi að hann átti forgjöf. Ég bullaði fjóru út í Faxaflóa á eftir logninu (kúlan tók næstum frammúr) en bördaði svo næstu. Með góðum púttum áti ég 4 eftir 9. Báðir par á 10., góð pútt, 11. féll á 6, ég tók 12 eftir skógarferð hjá Inga Þór. 5 upp og 6 eftir. Leikur kláraðist á 14. eftir að Ingi Þór týndi dræfinu. Leikplanið hjá mér gekk upp, leikurinn búinn, bæði áður en byrjaði að rigna og áður en að seinni forgjafarholunni kom...Takk fyrir leikinn Ingi þór. PsAron, af öllum mönnum, hrópaði nokkrum sinnum: "ÉG elska að spila í roki!!" Ótrúleg yfirlýsing úr hans munni. Þetta var auðvitað ekkert rok, heldur kjör-aðstæður, en vissulega var formaðurinn að slá ótrúlega vel upp í vindinn, var stundum (endurtek STUNDUM) lengri en ÉG... Leikskýrsla Denna:Den vs Benni,

hörkuleikur mjög jafn, Benni átti 2 eftir níu og ég jafnaði á 11. Á 12 sannaðist það að maður á aldrei að gefast upp. Holan spilaðist svona :  Benni og  ég vorum báðir í skóginum eftir drævið og þrátt fyrir mikla leit fannst minn bolti ekki svo ég hljóp til baka á teig , þar tóku Aron,Ingi og  félagar á móti mér og hvöttu mig til dáða og sögðu mér að gefa holuna, fara heim og strjúka konunni og vildu komast fram úr.  Ég gafst ekki upp og missti drævið til vinstri  og átti þá en 150 m eftir að goflpokanum svo ég sló 4 höggið með drævernum út í röffinu "Sammi style" og var því á 4 höggum  við hlið Benna bolta og enda þetta ævintýri með því að holan féll.

Ég átti eina á 18 teig, Benni varð að taka séns og ætlaði beint á flötina, boltinn fannst aldrei og leikurinn þar með tapaður.   Alltaf gaman að spila við og  Benna SV1 og Samma , ég var á 12p út og 20p inn. Benni takk fyrir leikinn.

es. Ingi þú verður að senda inn mynda af þér og skónum og vera í þeim á  lokahófinu.

kv. den

 

 Leikskýrsla MaggaÞetta byrjaði vel og ég tók 1, 2 félll en þá fór Ingi að vera með mótþróa.Hann tók 3 holuna og 4 féll. Á 5 var smá sýning á því hvernig ætti ekki að slá frá 40 m inn á flöt.MIS - notaði 3 högg í það og Ingi hirti þá holu. Á 6 var ég heppinn að þurfa ekki að borga bjór á línuna svo lélegt var upphafshöggið mitt en Ingi setti sitt inn á miðja flöt og fékk létt par.Holan var hans. Nú átti Ingi tvær, en félgsskapurinn var frábær og það er nákvæmlega það sem gólfið gengur út á..........................................7, 8 og 9 féllu allar. Þannig að eftir fyrri níu átt Ingi tvær.10 féll en MIS hirti 11 með fugli. Á 12 varð Ingi dálítið hægri sinnaður sem gerði það að verkum að MIS vann þá holu. Ingi sýndi þó mikið keppnisskap og var ekki langt frá því að fella holuna. Á 13 sýndi Ingi fádæma yfirvegum þegar hann spilaði þá holu. MIS hafði sett sitt högg út í drasl hægra meginn þannig að Ingi “plasseraði” sínum bolta rétt fyrir framann kvennateig.Það var greinilegt að hér átti ekki að taka neina sjénsa, enda skilaði það sér og Ingi vann holuna. MIS tók síðan 14 og 15 féll eftir mikið bras hjá báðum aðilum. 16 féll. Á 17 var spilamennskan ekki falleg og Ingi misnotaði stutt pútt í 25 m/s til að vinna holuna.Allt jafnt og 18 eftir.......................... í stuttu máli þá tók MIS hana á pari og vann þar með leikinn.Þakka Inga fyrir skemmtilegann leik í góðu veðri og frábærum félagsskap.Mælist til þess að Ingi Þór  verði tilnefndur sem dragdrottning Nafnlausa golfélagsins eftir þessa frábæru gjöf frá Sveini Ásgeir. Leikskýrsla Emils:Emil vs Gulli
Leikurinn gekk nokkuð vel hjá mér í gær á meðan Gull var að yfirslá aðrahverja flöt. Eftir 9 var ég 3 upp, hefði getað verið 4 en missti stutt pútt á níundu. Á þeirri 10 fékk ég par og var 4 upp. Á tíundu yfirsló Gulli flötina í öðru höggi og týndi boltanum og vann ég hana líka. Sama gerðist á braut  11 og 12. Ég vann þær báðar og þar með leikinn 5/7.
Það var eing gott að leikurinn var búinn þarna því ég held að ég hafi ekki fengið punkt eftir það enda komið austan 20 m/s
kv
Emil Leikskýrsla Svenna:Svenni vs Sammi Mig langar til að þakka Samma fyrir leikinn og að vera fullur í tvær vikur fyrir þennan leik okkar.Og var Sammi ósofinn í ofanálag og sólbruninn því hann skellti nefnilega olíu á sig síðasta daginn. Göngulag hans var eins og að  hann væri með rakblað þversum í rasskatinu og gerði það mér leikinn léttari. En eftir að ég vann hann rann skyndilega af honum og átti hann mörg mjög góð högg eftir það.  En 6/5 sigur fyrir mig. Takk fyrir leikinn. ps. Leikskýrsla Svenni vs Aron  Svenni  +1+2+3+4,  Aron setur langt pútt í og vinnur holuna ( Átti forgjöf á hana)  +3,  Aron setur langt pútt í og fellir holuna,  +4,  Aron setur aftur langt pútt í og fellir enn eina holuna, +5+6+7. Game over  7/6 fyrir mér.Aron fer í Bása og leitar að sveiflunni ! Þakka fyrir leikinn   : ) ps2. Ég vona að skórnir passi á þig Ingi Þór.........   Sveinn Ásgeir Baldursson  

Miðvikudagurinn 22. júní 2006

Umferð var spiluð á Skaganum, eitthvað klikkuðu veðurguðirnir þar sem búið var að lofa logni og sól og blíðu, en strekkings vindur var, en þó sól. Leikar fóru þannig:Aron og Benni skildu jafnir eftir mjög spennandi leik.Ingi Þór vann Gulla á 15. holunni.Svenni og Emil skildu jafnir.Heimir vann Inga Leikskýrsla Arons:Ég byrjaði af krafti í gær og vann fyrstu og þriðju holurnar og var tvær upp þangað til á 7. þegar Benni vann 7. og 8. holurnar.  Ég náði að fella þá 9. þó hann hafi átt forgjöf.  Jafnt var í hálfleik, en Benni vann svo 11. holuna.  Leikar stóðu þannig þar til komið var að 14. holunni þá átti Benni forgjöf en ég náði samt að vinna hana, þá 15. vann Benni, eftir að ég hafði átt glæsilegt innáhögg sem lenti í stönginni en kastaðist þaðan í bönker.  Á 16. holunni gerðist mjög skrítið atvik, Benni var í lykilstöðu á tveimur höggum og átti 100m eftir, þar sem ég fór í skurð í upphafs högginu og endaði með að vera á 5 höggum inná grínið, þriðja höggið hinsvegar hjá Benna lenti í hól rétt fyrir fram grínið og við sáum hana skoppa aðeins áfram en fundum hana ekki svo, þannig að Benni þurfti að fara að slá aftur og þá 5. höggið og endaði inná flöt, hann þrípúttaði en ég aðeins tvípúttaði og því vann ég þassa holu og leikurinn orðinn jafn og tvær eftir, á þessum tíma var spennann orðin óbærileg, á þeirri 17. var ég með leikinn í höndum mér, átti aðeins meters pútt eftir fyrir sigri á holunni, en þrípúttaði og tapaði holunni og Benni þá kominn með dormie og aðeins stutt par 3 eftir, Benni fór aðeins vinstra megin við grínið og ég aðeins of stuttur, Benni vippaði inná en átti langt putt eftir og fékk skolla, ég átti 2 metra eftir sem ég setti í og feldi því leikinn, takk fyrir leikinn Benni. Aron                               Leikskýrsla Heimis:SælirVið Ingi spiluðum á Skaganum í gær - í ágætis veðri (ekki voru reyndar allir sammála því - veðrið var ekki alveg kyrrstætt...) Eins og allir vita þá spila ég alltaf illa á Skaganum (og Leirunni, og Þorlákshöfn, og Korpu, og...) og upphafið var Skaga-legt: Fyrsta högg að venju í skóginn, annað höggið fór 75 cm (já, sentimetra!) AFTURÁBAK. Ingi sem sagt vann þá holu. Ég jafnaði á annarri með pari - komst yfir á þriðju með pari (Vá, tvö pör, í leiknum á móti Aroni um daginn þá vann ég 9 holur en fékk ekkert par...) Ingi vann 4, fimmta féll, Ingi vann 6., ág með forgjöf á flugbrautinni sem var á móti vindátt audda, ég var aldrei á braut fyrr en á gríni en vann hana á bógí. 8. féll og Ingi vann 9. þar sem ég missti meterspútt... 10. féll á skítlettu pari, báðir í bördíséns. 11. vann ég á bógí, 12. féll á pari og allt í einu fór ég að gera eitthvað sem líktist golfi. Þurfti að vippa yfir bönker (sem ég skelfist ógnarlega, bæði að þurfa að vippa yfir hann - og svo að þurfa að slá uppúr honum eftir að hafa mistekist að vippa yfir hann). Nú bar svo við að undirritaður setti vippið ekki bara yfir bönkerinn heldur upp að stöng, svo Ingi sem eigði allgóða von um að vinna holuna marði hálfan. 13. vann ég og 14. eftir smá lögfræði um sokkinn bolta. (gott að það komi fram: maður á lausn frá plögguðum bolta á snöggslegnu svæði, annars ekki). Ég átti nú 2. Á 15. kengslæsaði ég að venju, út í kafa röff. Svo stutt inn á braut og síðan í bönker (úff, æ heit bönkers). Ingi í grínkanti á tveim höggum. Ég fer í helv. bönkerinn, stilli upp og slæ, er bara helv. ánægður með að hafa drifið upp á grín, oft hitti ég ekki grínið úr bönker á eins metra færi... En þessi bolti hélt áfram að rúlla, að holunni, kíkti hringinn og ákvað svo að fara í. Par. En drukknuðu vonir Inga, sem náði reyndar léttu pari líka. 16. Vann Ingi eftir ótrúlegt bull hjá mér: 5 högg til að komast síðustu 70 metrana. En ég ákvað að láta það ekki trufla. Ég einn upp og tvær eftir. Báðir með stutt dræf, annað högg hjá Inga út í kafaröff, mitt svona "áleiðis" en enn yfir bönker að fara. 3. högg hjá Inga inn á grín úr röffinu, gott högg og hann átti von, sérstaklega miðað við þekkta bönkerhræðslu mína. Ég reif upp 55°, lét sem ég sæi ekki bönkerinn, tók mér stuttan tíma og sló, 2 m frá stöng. Nú varð Ingi eiginlega að setja 12 m pútt í. Tókst ekki þrátt fyrir mjög góða tilraun. Mitt pútt: ÉG sá púttlínuna svo vel að það va aldrei spuddning. 2:1. Eins og þið sjáið finnst mér gaman að skrifa leikskýrslu, hef ekki fengið mörg tækifæri til þess... H. von Ram

Sunnudagurinn 18. júní 2006

Umferð var spiluð í Grafarholtinu, veður aðstæður voru fínar. Leikar fóru þannig:Svenni vann Aron á 12. holunniBenni vann GullaEmil vann Inga ÞórDenni og Ingi er enn óljós, líkelgast jafntefli. Leikskýrsla Emails:Emil vs Ingi Þór
Þetta var bara hið ágætasta golf hjá mér þó það hafi byrjað brösuglega.
Ingi var alltaf yfir alveg fram að 12 holu þar sem ég náði pari og að jafna leikinn. Á 14. náði Ingi svo aftur forysti með góðum fugli. Ég átti forgjöf á næstu tvær og nýtti hana vel og vann báðar. Á þeirri 17. átti ég ágætt högg í flatarkant en Ingi sló tvisvar í tjörnina og þar með var leikurin búinn. Ég var að pútta nokkuð vel og það bjargaði mín leik. Spilaði fyrri 9 á 15 punktum en þær seinni á 21.
Takk fyrir leikinn Ingi

kv
Emil  Leikskýrsla Benna:Benni VS GulliMér skilst að þetta hafi verið þurrt spilaveður miðað við standardinn í sumar, allavegana var farið úr regnbuxunum seinni níu.Ágætis spilamennska (17p) á fyrri níu lagði grunninn að 4/3 sigri BH.Gulli var mistækur í stutta spilinu en frábær í öllu öðru.Þakka fyrir góðan byrjunardag í golfinu og gott holl.Legg þó til að Holtið verði ekki notað næstu 2 vikurnar vegna lélegra flata. Ath. ekki vanmeta járnabindingar og steypuvinnu sem afbragðs golfæfingu, aumar axlir og bólgnir hnúar sem fylltu út í golfhanskann hjálpuðu mér gríðarmikið, og er ykkur hér með boðið að taka þátt í steypuvinnu og uppslætti næsta vor til að klára laxastigann og mýkja ykkur aðeins upp. Benni 

Miðvikudagurinn 14. júní 2006

Umferð var spiluð í Grafarholtinu, veður aðstæður voru ekki góðar, það var mikið rok og rigning. Leikar fóru þannig:Emil vann Óla á 7. holunni, já á 7. holunni.Denni vann Svenna á 16. holunni.Ingi vann Aron á 13. holunni. Leikskýrsla Denna:

Sv1 vs den.

Ég  mæti með nýtt leyni vopn (sjá meðfylgjandi mynd)   Leikur okkar Sv1 nokkuð  jafn  þar sem allt var í járnum framan af, annars var leikurinn ca. svona ef ég man þetta rétt  1 féll sv1 vann 2 ,ég 3 og 4  sv1 5 og ég 6, 7og 8 féllu, ég 9 og sv1 10,  11 féll og ég vann 12 , 13 ,14 og sv1 vann  15 og ég vann 16 og leikinn.  

Nokkur orð um veðrið :  ef svona heldur áfram veður maður bara nokkuð góður í að spila í rigningu "æfingin skapar meistarann "  Þeim félögum Inga,Aroni  og  Sv1 þakka ég  fyrir að hjálpa mér að leita, áður en þeir slógu. Með þeirri undantekningu þó að  ef þeir vildu slá fyrir leitir þá fengu þeir sérstakt leyfi til þess hjá undirrituðum .   
  

kv. den orange

Leikskýrsla Emils:

Emil/ÓliÞetta var með þeim styttri leikjum sem fram hefur farið í Nanlausa golfélaginu, til þessa. Í stuttu máli var þetta svona. Fyrsta holan féll. Næstu 5 vann ég. Það gekk hreinlega ekkert hjá Óla. Það sem fyllti svo mælinn hjá Óla var þegar hann húkkaði upphafshöggið á sjöunda teig svo svakalega að kúlan fór væntanlega upp fyrir girðingu sem er þarna einhverstaðar upp á hæðinni, fyrir austan, nálægt litlu kaffistofunni. Óla var nóg boðið og gaf leikinn. Kv.Emil

Sunnudagurinn 11. júní 2006

Auka umferð var háð í Grafarholtinu í dag. Aron vann Samma á 13. holunni.Denni vann Gulla á 14. holunni. Leikskýrsla Arons:Ég og Sammi háðum leik í Grafarholtinu sunnudaginn 11. júní. Veðrið leit ekki vel út en eftir fyrstu holuna fór að stytta upp og ekki rigndi meir á okkur eftir það. Grafarholtið er orðið fínt, búið var að hleypa inná nýju grínin á 4,8 og 12 og völlurinn allur að koma til, vantar smá uppá að grínin verði fullkomin. Gulli og Denni voru með okkur í hollinu að spila sinn leik. Leikurinn var frekar ójafn þar sem ég var kominn 3 upp eftir 4 og 5 upp eftir 9, var með 19 punkta á fyrri níu holunum, 6 upp eftir 11, og svo endaði leikurinn á 13. holunni þar sem ég sigraði leikinn 6-5. Ég endaði svo hringinn á 37 punktum, var samt punktalaus á síðustu og því kominn með nýja forgjöf, 9,1  Leikskýrsla Denna:Gulli vs den

Den vann á fjórtándu og átti mest 7 og var gulli frekar óheppin í öllu golfi þarna í gær og var frekar lengi í gang. Takk fyrir leikin Gulli.


kv. den

Laugardagurinn 10. júní 2006

Ég og Heimir háðum leik á Hellu í dag, í blíðskaparveðri, þuru en dáldið rok. 

Best er að hafa sem færst orð um þennann leik nema það að leikurinn var jafn að loknum 18 holum og því hálfur vinningur á hvorn

Miðvikudagurinn 7. júní 2006

Leikin var umferð á Korpunni í kvöld, ræst var út klukkan 17:10, 17:20 og 17:30, veður byrjaði frekar vont, þ.e. rok og rigning, en rættist svo úr því og kom brakandi þurrkur á seinni 9.

 

Leikar fóru þannig:

Aron vann Magga 2-1

Gulli vann Heimir 2-1

Ingi Þór vann Denni 3-2

Svenni vann Óla á 17. holunni.

Emil vann Samma á 17. holunni.

 

Leiksýrsla Arons:

 Nú tók ég á honum Magga og byrjaði dagurinn bara nokkuð vel fyrir mig, eiginlega það vel að ég átti 5 holur eftir 6, og veitti víst ekkert af þar sem Maggi vann 4 holur í röð, frá 7. til 10. en þá náði ég mér aftur á strik og vann 12. og 13. en tapaði 14. og 15. en á 16. komu straumhvörfin í leiknum, þar sem Maggi var inná en ég fyrir utan og vippaði illa, Maggi með öruggt par, en ég setti niður 6 metra pútt fyrir pari og til að jafna holuna og var því eina upp og átti forgjöf á 17.  Maggi fór yfir ánna á 17. en í runna, og annað höggið mitt var enn eitt draumahöggið hjá mér, þar sem ég setti 130 metra högg aðeins 10cm frá pinna og fuglinn auðveldur, Maggi í basli en fékk par og leikurinn því búinn. Ég fékk 7 högg í forgjöf á hann Magga en þurfti aðeins að nýta mér 3 af þeim til að leggja hann. Maggi var að spila mjög vel, spilaði seinni 9 á 35 höggum og samtals á 37 punktum en dugði ekki til þar sem ég fékk 39 punkta og spilaði á 9 yfir eða 81 höggi, er því með lækkun og er kominn með 9,3 í forgjöf. Þakka fyrir leikinn.Aron 

Leikskýrsla Emils:

Emil/Sammi
Ég byrjaði á því að sprengja fyrstu en paraði næstu tvær og því jafnt eftir þrjár. Sammi vann svo tvær af næstu þremur og var því kominn með 2 yfir eftir 6 holur. Þegar hætti nánast að rigna fór mér að ganga mjög vel og vann næstu þrjár þ.a. eftir fyrri 9 var ég kominn 1 yfir. Til að gera langa sögu stutta þá var komið dormie á Samma eftir 15 en þá holu vann ég með forgjöf (sú eina sem ég nýtti forgjöfina á) reyndar eftir að Sammi nánast gaf mér hana. Þá 16. vann Sammi en á 17 kláraðist leikurinn eftir að Sammi endaði í bunker við green og þurfti þrjú högg til að komast upp úr honum . Game over. Punktar = 37 og önnur lækkunin í þremur leikjum, kominn í 16,9.  Takk fyrir leikinn Sammi

kv
Emil

 

Leikskýrsla Samma:

Sælir félagar. Við Emil spiluðum leik á Korpu þann 07_06_06 Með okkur í holli voru Svenni og Óli. Í stuttu máli skiptumst við á að hafa forustu á fyrri en Emil átti eina eftir 9 holur.Emil tók 10. og þá 11. með " stile" þar sem ég sá aldrei til sólar á þeirri holu.12. féll og ég tók á 13. og Emil átti 2 og með forgjöf á þá 15. Ég held að það sé ekki hallað á neinn þó að ég segi að ég hafi gefið Emil þá holu og hann átti aftur 3 og dormí á mig.Ég tók þá 16. en átti lélegt upphafshögg á þeirri 17 en Emil átti glæsilegt högg af teig eins og á flestum holum þennan dag.Annað höggið mitt var mjög gott framanaf en endaði í djúpa bönkernum fyrir framan flötina og í þeim bönker gerði ég endanlega í buxurnar.Emil fékk fallegt par og vann leikinn. Varðandi ágreining sem upp kom eftir 11. holu vil ég segja  þetta:Ef ég hef sært einhvern með viðbrögðum mínum biðst ég afsökunar.Ég tel mig hinnsvegar hafa rétt á mínum skoðunum og get ekki skrifað undir það að ég hafi "hraunað" yfir einn eða neinn með því að segja mína skoðun.Ég vona að við getum haldið áfram að hafa gaman af golfi hér eftir sem hingað til. Takk fyrir hringinn félagar. Kveðja, Sammi 

Leikskýrsla Svenna:

Svenni / Óli Við Óli vorum ekki að spila okkar besta golf í dag. Ég náði tveggja holu forskoti á hann eftir þrettán holur, en Óli vann  næstu tvær og var því allt jafnt og þrjár holur eftir. Á sextándu og sautjándu fataðist Óla flugið og vann ég þær báðar og þar með leikinn :)  2/1 Þakka Óla fyrir jafnan leik sem gat endað á hvorn veginn sem var. Sv1 

Leikskýrsla Inga Þórs:

Sælir. Ekki verður nú sagt að við Denni höfum átt okkar besta dag í dag, enda bauð veðrið ekki upp á mikil tilþrif.  Ég kom illa undirbúinn til leiks og vissi ekki fyrr en tveimur mín. fyrir teig að ég ætti að spila við Denna.  Þá kom í ljós að hann ætti 6 holur í forgjöf á mig og 3 af þeim á fyrstu 4 holunum.  Ég fór því að skjálfa og víbra á 1. teig og farinn að sjá mig strax 2 til 4 holur undir.  En eftir þessar 4 holur var staðan jöfn og þá gat ég farið að brosa á ný enda farinn að sjá fram á að ég gæti lagt drenginn.  Eftir 10 holur átti ég 4 en Denna tókst að minnka muninn niður í 2 holur þegar 3 voru eftir.  En með “auðveldu” pari á þeirri 16. tókst mér að klára leikinn 3/2.   Takk fyrir leikinn Denni! Kv. Ingi Þór 

Leikskýrsla Gulla:

Ég spilaði við Heimi í gær og var leikurinn nokkuð sveiflukenndur og spilaði veðrið stóra rullu sérstaklega á fyrri níu. Hann vann fyrstu holu og ég næstu en þá vann Heimir 3 í röð og 3 þar næstu vann ég. Eftir níu var Heimir 1 yfir. Ég tók þá10 og 12 Heimir þá 14 og vorum við þá jafnir á 15 teig. Eftir 16 var ég 2 yfir og dormie á Heimi og sú 17 fell og sigraði ég 2/1. Þakka ég Heimi fyrir skemmtilegan hring og gjafir inn á milli. Aroni og Magga þakka ég svo fyrir að sýna okkur hvernig á að spila golf.kv,