Afmælisferð Nafnlausa Golffélagsins 2012

10 ára afmælisferð Nafnlausa Golffélagsins var farin í byrjun maí. Alls fóru við 8, þar af 5 frá Nafnlausum og 3 gestaspilarar. Flogið var til London og gist á Lingfield Park Marriott Hotel & Country Club sem er rétt sunnan við London. Topp aðstaða með öllu. Þar voru spilaðir 4 hringir. Einnig var farið á Sweetwoods Park Golf Club og þar spilaðir 3 hringir. Báðir vellirnir voru mjög góðir, sérstaklega Sweetwood völlurinn en hann var alveg einstaklega fallegur. Þó vellirnir hafi verið nokkuð blautir vegna langvarandi rigninga í Bretlandi þá voru þeir í mjög góðu standi og skemmtilegir.

Hópurinn var gríðarlega vel skipaður og skemmtilegir golfarar. Ekki nóg með að góðir golfarar væru hér á ferð þá skartaði hópurinn tveimur af bestu dómurum landsins í golfi. Ferðin var því ekki bara skemmtileg heldur lærðu menn ýmislegt nýtt um regluheim golfíþróttarinnar.

Settar voru upp tvær formlegar keppnir að hætti Nafnlausu en það var holukeppni (allir við alla) og punktakeppni (best af 5). Sigurvegarar voru Aron í holukeppni og Stein í punktakeppni. Að sjálfsögðu var svo Guinness keppni í hverju holli.

Guðbrandur, Maggi, Hjörtur, Steini, Sammi, Aron, Siggi, Emil.

Sjá fleiri myndir undir London 2012.

Formaðurinn þakkar spilafélögunum fyrir vel heppnaða ferð og þá sérstaklega stofnanda og fyrrverandi formanni fyrir frábært skipulag og vel valda velli.

Emil