Umferð í Grafarholti 18.08

Umferð var spiluð í Grafarholtinu í dag. Aðeins áttu tvær viðureignir að fara fram, þ.e. Denni og Gummi og svo Benni og Heimir.
Heimir forfallaðist þannig og Gummi gaf leikinn eftir 10. holu. Aðrir kláruðu ekki sína leiki vegna veðurs er mér sagt. Erum við sem sagt orðnir svo góðu vanir að ekki sé hægt að spila í smá roki? Eða geta menn ekki spilað þó formanninn vanti ;-)
Ég spilaði í móti á Skagavellinum, sem ekki hefur verið þekktur fyrir mikið logn og kláraði 18 holur á 32 punktum, í hífandi roki og smá rigningu líka.
Annars spiluðu Denni og Heimir leik á sunnudaginn í Holukeppninni og hafði Denni sigur.
Munið að senda inn punkta dagsins þó þeir hafi augljóslega ekki verið margir. Þeir telja samt sem mæting.
Formaðurinn

Athugasemdir

[Benedikt Hauksson (IP-tala skráð) 19.8.2009 kl. 09:24]

Sjaldan hef ég undirbúið mig af jafn mikilli kostgæfni og í gær, næst síðasti hringur og úrslitahringur næsta þriðjudag.

- Einkaþjálfarinn var mættur með mér í Bása á mánudagskvöld til að fínpússa 137 metra höggin

- Jóga í þriðjudagshádeginu til að fá ró á taugarnar

- "No sex 8 hours before game"

Og hvað skeður, drengurinn mætir ekki -  er að máta gardínur fyrir stigaganginn með kellingunum.

Ég arka samt af stað með ímyndaðan Heimi  mér við hlið og þetta gengur bara ágætlega, 8 upp eftir 8 og leikurinn unninn bræðin runnin af mér og mér var farið að líka vel við Heimi aftur og jafnvel farinn að sakna drengsins.  Þá datt mér þessi í hug

Hvar er Heimir hvar er hann

ég sé hvergi drenginn

ég hættur er við að setja hann í bann

Heimir er betri en enginn

Benni

[Heimir (IP-tala skráð) 19.8.2009 kl. 18:31]

Mátar gardínur með kellingum
eða í öðrum hrellingum 
En er feginn með fenginn:
Frábæra drenginn!
Í engum golfstellingum.