6. umferð í Holtinu

6. umferð var spiluð í Grafarholtinu í flottu veðri, smá vindur til að byrja með en lægði svo með kvöldinu. Topp mæting, fyrsta skiptið í sumar þar sem allir mæta. Uppfærð staða er á komin inn

Leikir dagsins fóru þannig

Aron - Benni 3/2

Heimir - Maggi 2/1

Ingi - Gulli 4/3

Emil - Óli 3/2

Sammi - Gummi 5/3

Siggi - Sigþór 1/0

Flesta punkta dagsins áttu Siggi og Emil, 36 punkta hvor.

 

Athugasemdir

[Emil (IP-tala skráð) 21.6.2011 kl. 23:27]

Ég átti leik við Óla. Þetta var nokkuð jafnt og eftir 9 holur átti ég eina. 11 og 12 vann ég (eða réttara sagt tapaði Óli) og var þá kominn 3 upp. Ég gaf svo Óla góð tækifæri á að ná punktum til baka á 13 og 14 sem hann vildi bara alls ekki. Á 15 náði Óli góðu pari og vann eina til baka. Leikurinn vannst svo á 16 þar sem ég sett í stöngina úr bönker hægra megin og náði léttu pari. Takk fyrir leikinn Óli (og meðspilarar Gulli og Ingi)

[Sammi (IP-tala skráð) 22.6.2011 kl. 16:10]

Það verður að segja eins og er að Gummi virkaði frekar áhugalaus framan af og ég var 5 upp eftir 9 holur. Hann girti sig í brók eftir það og tók þrjár í röð.

Á þeirri 13. lenti hann í vandræðum sem og á þeirri 14. og ég var kominn með Dormy. Á 15. holu var meira spennandi að fylgjast með Sigga framkvæma sirkus atriði ofaní skurði (lipur drengur Siggi) heldur en stöðunni í leiknum hjá okkur Gumma en ég kláraði leikin þar. Siggi endaði á 6 höggum eftir allt ævintýrið.

Spennan hélst fram á síðustu holu hjá þeim Sigga og Sigþóri þar sem Siggi hafði sigur. Ekki verður klárað að skrifa um þennan hring án þess að minnast á stórglæsilegan fugl hjá Sigþóri á 17. Sjússinn á eftir var yndislegur.

Takk fyrir skemmtilegan hring félagar.

[Heimir (IP-tala skráð) 22.6.2011 kl. 22:33]

Ég átti leik við Magga - hinn leikurinn var Aron vs Benni. Við fórum hóflega af stað - bogey báðir sam reyndar gaf tóninn hvað spil beggja varðar... Maggi tók forystu á 2. og hélt um sinn. Svo fór ég að síga á og var kominn 3 upp þegar Maggi hisjaði upp um sig. Á 14. varð nú eiginlega vendipunktur, þar yfirsló ég grínið í 2. höggi og vippið ömurlegt eins og öll mín vipp í leiknum nema eitt, svo ég var búinn með 3 í grínkanti en Maggi með dræfið rétt við grín. Vippið hans var fulllangt en alveg séns á fugli. Púttið hins vegar of stutt. Ég setti niður fyrir 5. Maggi púttaði meter og missti - holan fallin eða hvað - en þegar hann dalglaði kúlunni í af barminum þá bara fór hún ekki í - svo töpuð hola hjá mér vannst þrátt fyrir allt og ég 3 upp aftur. En Maggi var fljótur að ná brókunum upp aftur og vann næstu tvær, ég átti eina á 17. Maggi slær beint inn á grín. Ég sá fyrir mér að ef ég tapaði þessari þá væri ég dauður - engin forgjöf á 18. Ég sló með 5 járni en enfdaði eins og venjulega undir klettunum hægra megin. Góðu ráðin dýr - hér var ekki séns að nota pútter - Heimir varð að gessovel og vippa. Einbeiting dauðans... og þetta leit út eins og vipp! Full langt vissulega - 3-4 framyfir, en vipp! Maggi tryggði parið. Ég stóð yfir kúlunni og SÁ algjörlega línuna - eilítið bogadregin. Og púttið rann ljúflega í miðja holu. 2:1.

Takk fyrir leikinn Maggi og félagskapinn Aroin og Benni.