5. umferð

5. umferð verður spiluð á Korpunni í dag.  Spáin virðist ágæt, gætu verið einstaka skúrir, bak við hús. Allir mæta nema Jóhann. Formaðurinn hvílir en ætlar að taka 9 holur, svona til að fylgja ykkur af stað, í tilefni þessa að þetta er í fyrsta skiptið á þessari leiktíð sem Korpan er spiluð í Holukeppninni.

Leikir dagsins eru:

Denni-Sammi

Gulli-Aron

Gummi-Óli

Heimi-Maggi

Ingi-Benni

Minni ykkur á að skila skorkortum í lok leiks.

Formaðurinn

 

Athugasemdir

[Aron Hauksson (IP-tala skráð) 10.6.2009 kl. 09:14]

Ég mætti aftur með sama kylfusveininn og í síðustu umferð, þar sem það hafði svo góð (slæm) áhrif á mótherjann.  Gulli byrjaði með látum, fékk auðfveldann fugl á fyrstu holunni eftir að vera inná í tveimur höggum á par 5. En það var líklega upptalið af góðum höggum frá honum Gulla, hann átti varla gott högg fyrr en leik var lokið. Ég vann aðra holuna og sú þriðja féll og svo vann ég flestar holurnar á fyrri 9 eftir það.  Var 5 up eftir 9, og vann svo 10undu líka og var því 6 up, Gulli náði aðeins að klára í bakkann með því að fá par á 11. holunni, eftir að hafa verið í grín kanti eftir tvö högg á par 5. 12. holuna vann ég og því kominn með dormie, og þá 13. vann ég líka og því leikinn 7- 5.  Ég endaði hringinn á 35 punktum.

Vil þakka Gulla fyrir auðveldann leik og þeim Heimi og Magga fyrir skemmtilegt golf og spennandi keppni hjá þeim.

Lengst pútt í hollinu sem fór í, var 22 metra birdie pútt hjá Heimi á 6. holunni. 

Stysta pútt sem ekki fór í holuna var frá Aroni sem var par pútt á 3. holunni, 50cm.

Bestu tilþrif hollsins voru þegar Maggi fór í efri bönkerinn vinstra megin við flötina, smá ræfils bönker, hann tók upp pútterinn og púttaði og það beint í miðja holu 20 metra pútt.  Þetta var fyrir birdie, en Heimir stóðst pressuna og setti niður 2m par til að fella holuna þar sem hann átti forgjöf og var því með sigur í leiknum.

Aron

[Heimir Hálfdanarson (IP-tala skráð) 16.6.2009 kl. 15:03]

Ég spilaði við Magga. Reyndi að minna hann á að síðast vann ég hann á 15. í grafarholti - en eyrun á honum voru ekki virk, bara munnurinn, sem sagði: "Ég er búinn að vinna síðusta tvær 6:5". Ég heyrði það auðvitað ekki...

Í stuttu máli þá var Maggi alls ekki í stuði. Úrslitin, 2:1, gefa alls ekki rétta mynd nema þá helst af keppnisskapi MIS, því ég var dormí á 13 (hefði getað unnið þar 6:5 með léttu 4 feta pútti...).

Maður ætti ekki að segja frá því að hafa haldið jöfnu á dobbúl-bógí eða unnið á bógí, svo ég segi ekkert frá því. En eftir slaka byrjun beggja, (ég átti forgjöf á fyrstu 5, svo leikplanið var að hala inn vinninga) átti ég tvær þegar kom á 6. forgjafarlaus hola, og ég dálítið í mínus yfir að hafa ekki náð meira en 2 úr 5 forgjafarholum. Báðir á gríni, ég var tæplega í kallfæri við holuna. Pútta af stað og á miðri leið sér Maggi hvað verða vill: "Hann er að setja í helvískur". Og viti menn, hún steinlá í miðri holu, 22 Heimísk skref.

Þófið hélt áfram, ég náði einni og einni og Maggi vann ekki holu fyrr en á 11 ef ég man rétt. Svo kom dormí og Maggi setti í gír, einbeiting sem aldrei fyrr, vann 14., 15, og 16. !7.: Báðir á braut, Maggi setur innáhöggið í bönker; ég of stuttur, 10 m frá. Ég pútta að, orðin nokkuð öruggur með mig, dugar bógí deffinittlí, Maggi nær aldrei nema pari... Aðpúttið of gratt, 3-4 m of langur. Maggi í bönker, tekur pútter, og setur í við gríðarleg fagnaðarlæti. Snilldar afgreiðsla. Þetta voru að Arons sögn 12 m úr bönker.

Skelfur nú minn maður. Gef mér góðan tíma, miða með kúlunni eins og Ragga, pútta, frekar laust, rétt dregur að og vel vinstra megin, en dettur á hægðinni.

2:1.

Takk fyrir leikinn Maggi