Umferð í Grafarholti 18.08

Umferð var spiluð í Grafarholtinu í dag. Aðeins áttu tvær viðureignir að fara fram, þ.e. Denni og Gummi og svo Benni og Heimir.
Heimir forfallaðist þannig og Gummi gaf leikinn eftir 10. holu. Aðrir kláruðu ekki sína leiki vegna veðurs er mér sagt. Erum við sem sagt orðnir svo góðu vanir að ekki sé hægt að spila í smá roki? Eða geta menn ekki spilað þó formanninn vanti ;-)
Ég spilaði í móti á Skagavellinum, sem ekki hefur verið þekktur fyrir mikið logn og kláraði 18 holur á 32 punktum, í hífandi roki og smá rigningu líka.
Annars spiluðu Denni og Heimir leik á sunnudaginn í Holukeppninni og hafði Denni sigur.
Munið að senda inn punkta dagsins þó þeir hafi augljóslega ekki verið margir. Þeir telja samt sem mæting.
Formaðurinn

12. leikdagur í Grafarholtinu

12. umferð var spiluð í Grafarholtinu í gær, 12 ágúst, í frábæru veðri, sól og nánast logn.
Mæting var mjög góð, aðeins einn sem komst ekki en fyllt var upp í með gestaspilara. Skemmst er frá því að segja að Maggi vann Benna á síðstu holunni eftir æsispennandi leik. Aðrir leikir voru ekki síður spennandi en Jói og Ingi skildu jafnir, Óli vann Heimi og Sammi tók Gumma. Denni vann svo Gulla

kv
Formaðurinn

Umferð á Skaganum 4. ágúst

Spiluð var umferð í holu og punktakeppni á Skaganum í gær. Veðrið var í raun mjög gott, ringdi þó nokkuð en bara lóðrétt og nánast logn. Ekta regnhlífagolf.

Alls mættu 8 (plús 2 kaddíar)

Nú eru línur að fara að skýrast í holukeppninni. Þar eru að berjast um sigur þeir Aron, Ingi og Emil.

Punktakeppnin er alveg galopin þar sem menn geta spilað fleirri leiki og halað inn punktum.

Formaðurinn

Umferð 28. júlí

Tíunda leikdagur var í gær í Grafarholtinu. Aðstæður voru bara nokkuð góðar, logn en smá rigning. Völlurinn mjög góður. Mæting var bara fín, aðeins vantaði Samma og Jóa. Úrslit í holukeppninni urðu þannig að Óli vann Magga, Gulli vann Gumma, Ingi vann Aron, Benni vann Denna og Emil vann Heimi. Annars má sjá nánari úrslit á undirsíðunni Staðan 2009.

Umferð á Skaganum

Umferð fór fram á Skaganum í gær en vegna fámennis náðist aðeins að leika einn leik í holukeppninni. Þeir sem áttust við voru Maggi og Jói, nýkomnir frá og eldheitir frá New Orleans. Skemmst er frá því að segja að þeir skildu jafnir.
Aðrir sem mættu voru Óli, Aron, Gulli og Emil

Umferð á Korpunni 14. júlí

Spiluð var umferð á Korpunni þriðjudaginn 14. júlí.
Aðeins 6 meðlimir voru bókaðir í fínu veðri. Þeir sem spiluðu kl 15:50 voru Emil gegn Inga og Gummi gegn Benna. KL 16:50 áttu Gulli og Heimir að spila. Ekki hef ég fengið úrslit úr þeim leik enn. Emil vann Inga 1/0 og Benni tók Gumma 4/3

Aukaumferð á Korpunni

Í gær var spiluð auka umferð á Korpunni þar sem aðeins einn meðlimur var skráður til leiks í Meistaramótinu, hann Aron. Reyndar er spurning hvort hann fái nokkuð að spila á Meistaramótinu. Málið var að Aron var skráður á rástíma í hollunum hjá okkur í gær og þegar Gulli kemur og segist muni spila fyrir Aron þar sem hann sé að spila í Meistaramótinu heyrði Þorsteinn dómari það og gerði miklar athugasemdir við það. Hélt að Aron væri að spila og keppa á sama degi. Annars var bar nokkuð gaman í gær, mikil spenna, allavegana í leikjum seinna hollsins þar sem Emil og Gulli skildu jafnir en Jóhann vann Benna á 17. Óli vann svo Samma nokkuð afgerandi.

7. umferð

7. umferð Nafnlausa golfélagsins í holukeppninni var spiluð í Borgarnesi í kvöld. Frábært veður í fallegu umhverfi. Alls mætu 9 leikmenn til leiks og einn gestaspilari. Skemmst er frá því að segja að Aronn vann Heimi 4/3, Emil vann Samma 4/2, Ingi vann Óla 4/2 og Benni vann Gulla 3/1. Þið færið inn leikskýrslur.

6. umferð

Umferð númer 6 var spiluð í kvöld í flottu veðri. Spáin var ekki góð fyrir kvöldið en það rættist heldur betur úr henni, kom varla dropi úr lofti og enginn vindur. Sem sagt, kjöraðstæður, enda var spilamennskan hjá sumum með eindæmum góð. Eftir leikina í dag kom upp sú hugmynd að spila næstu umferð í Borgarnesi. Þá yrði að leggja af stað úr bænum um kl 15:30 - 16:00 þannig að ræsing gæti verið um 17:00. AÐ sjálfsögðu verður tekið tillit til veðurspár.

5. umferð

5. umferð verður spiluð á Korpunni í dag.  Spáin virðist ágæt, gætu verið einstaka skúrir, bak við hús. Allir mæta nema Jóhann. Formaðurinn hvílir en ætlar að taka 9 holur, svona til að fylgja ykkur af stað, í tilefni þessa að þetta er í fyrsta skiptið á þessari leiktíð sem Korpan er spiluð í Holukeppninni.

Leikir dagsins eru:

Denni-Sammi

Gulli-Aron

Gummi-Óli

Heimi-Maggi

Ingi-Benni

Minni ykkur á að skila skorkortum í lok leiks.

Formaðurinn