Fundargerð 8. maí 2009

Mættir:

Aron Hauksson

Emil Hilmarsson

Guðlaugur Einarsson

Guðmundur Friðbjörnsson

Heimir F. Hálfdanarson

Ingi Ólafsson

Magnús Ingi Stefánsson

Ólafur Hafsteinsson

Samúel Ingi Þórarinsson

 

Fjarverandi:

Benedikt Hauksson

Sveinn Ingvarsson

 

Eftirfarandi atriði voru rædd og ákveðin

·         Aron Hauksson sagði formlega af sér formennsku í Nafnlausa Golffélaginu. Þakkað var fyrir störf hans sem formanns með dúndrandi lofataki

·         Nýr formaður sjálfkjörinn án mótatkvæða, Emil Hilmarsson.

·         Leikdagar verða á þriðjudögum og áætlaður fjöldi leikdaga er  17 (til 15 sept).  Áætlað er að hefja leik milli 16:50 og 17:30 í sumar

·         Leikfyrirkomulag sumarsins  2009 ákveðið. Spilaðar verða tvær keppnir, Holukeppni og Punktakeppni.

·         Sigurvegari Holukeppninnar verður krýndur Meistari Meistaranna 2009 en sigurvegari Punktakeppninnar verður krýndur Deildarmeistari 2009.

·         Spilaðar verða 11 leikir í Holukeppni, allir við alla. Til að byrja með er aðeins heimilt að leika á þriðjudögum en ákvörðun verður tekin af formanni þegar líða tekur á sumarið hvort frestaðir leikir megi spilast á öðrum dögum, ef mikið er um frestanir.

·         Punktakeppnin er spiluð samhliða Holukeppni, sem þýðir að menn verða að klára hverja holu út til að fá punkt. Ekki er hægt að gefa pútt í Punktakeppni.  Bestu 10 hringir í Punktakeppni gilda í lokin.  Punktakeppni má aðeins spila á skilgreindum leikdögum (þriðjudögum)

·         Tilskilinn leikjafjöldi fyrir sumarið 2009 er:

o   11 leikir í holukeppni

o   10 leikir í punktakeppni

·         Fyrri reglur um Gula spjaldið er í fullu gildi. Leikmaður fær gult spjald ef hann nær ekki tilskildum leikjafjölda. Annað gula spjaldið þýðir rautt spjald, þ.e. leikmaður fær ekki að spila næsta tímabil á eftir sem meðlimur með Nafnlausa Golffélaginu.

·         Nýir meðlimir sem teknir eru inn í félagið eru á svokölluðu skilorði, þ.e. ef þeir mæta ekki skv reglum félagsins þá fá þeir ekki að vera með næsta ár á eftir.

·         Greidd voru atkvæði um nýjan meðlim í félagið. Hann er Jóhann Jónsson, fgj. 9,8.  Hann var samþykktur samhljóða.

·         Félagsgjöld fyrir leiktímabilið 2009 voru ákveðin 8.000 kr. Þessar tekjur verða notaðar fyrir Shoot-out mót og Lokahóf. Formaður mun senda út rukkun og halda utanum  greiðslur

·         Shoot-out nefnd skipa Magnús Ingi  Stefánsson og Sveinn Ingvarsson

·         Lokahófsnefnd skipa Ólafur Hafsteinsson og Magnús Ingi Stefánsson

·         Bókanir vegna spilamennsku á þriðjudögum þurfa að eiga sér stað  kl 8: 00 á sunnudagsmorgnum. Formaður mun skipa menn til að sjá um skráningu í hvert skipti eftir hentugleika.

 

Annað var ekki rætt og fundið því slitið.

 Emil

16. leikdagur, Grafarholti/Korpan, þrír leikdagar, og lokahófið 20. sept.

Þá er mótinu lokið hjá okkur og uppskeruhátíðina yfirstaðin.

Lokaumferðin var á smá reiki þar sem veðrið setti mikið strik í reikninginn og ekki hægt að spila flesta daga vikunnar.

Lokahófið fór einnig fram að kvöldi 20. sept, heima hjá Samma þar sem snæddur var dýrindis matur og horft á Ryderinn.

Verðlauna afhendingin fór í rosalegt rugl þar sem einhverjir félagsmenn óvirtu samkomuna með leiðinlegum uppátækjum um það leiti sem bestu mönnum sumarsins voru veitt viðurkenningar.

Sigurvegarinn var Maggi.

2. sætið, Ingi

3. sætið Emil

Deildarmeistarinn, var valinn sá sem fékk flestu punktana fyrir 10 bestu hringina, og voru Maggi og Ingi jafnir með 31,5 punkta að meðaltali.

Púttmeistarinn, Gulli

Mestu framfarir Gummi, þar sem hann hafði lækkað úr 31,5 í 26,3

Bestu tilþrifin, Ingi fyrir örn á 7. holunni á Korpunni.

Í lokaræðu formannsins, sagði hann af sér og gaf boltann lausinn til að fá nýtt blóð í félagsskapinn og fá nýjar hugmyndir og áherslur.

Svenni sagði sig úr félaginu.

Nýr formaður verður valinn eigi síðar en á aðalfundi félagsins næsta vor.

Fráfarandi formaður leggur til að framvegis verði verðlauna afhendingin áður en áfengi verður haft um hönd.

Formaðurinn

 

15. leikdagur, Grafarholti, 7. og 9. september

Þá er 15. umferð lokið.

Spilað var í Grafarholtinu, bæði sunnudaginn 7. sept og þriðjudaginn 9. sept.

Á þriðjudeginum var skelfilegt veður, rigning dauðans og svo bætti hann í rigninguna.  En logn sem var gott.

Vallar aðstæður eru skelfilegar, búið að gata flatirnar og ekki beisið að spila þarna.

Smá saga frá sigurvegara vikunnar:

Ég fór ekki alveg með rétt mál í dag maggi, ég sagðist ver með 28 á völlinn, en ég er víst með 29.  Var með 27.6 = 29 þannig að ég fæ 39 punkta :) lækkaði úr 27.6 í 26.1

 

Það rættist úr þessu þannig að ég býst við að ég taki ekki þriðjudaginn sem skor, bara sem mætingu. Ég þarf vísu ekki einu sinni stig fyrir mætingu :) nema ef við ætlum að hafa mætingaverðlaun eins og Heimir stakk upp í dag.

 

Úrslitin eru hérna til vinstri.

 Formaðurinn

 

Nafnlausu félögunum meira til lista lagt en bara spila gott golf.

Er hann ekki flottur strákurinn með "krílið" sitt eins og hann vill nefna það

14. leikdagur, Grafarholt, 3. september

Þá er 14. leikdegi lokið, spilað var í Grafarholti.

Rástímar klukkan 16:00, 16:20 og 16:30

Nokkrar skemmtilegar sögur:

Emil á ekki eitt heldur tvö snilldarhögg í dag. Það var á sömu holu og eftir hvort öðru.
Hann  setti drævið hægra megin í hæðina/grjótin. Þeagr hann sló annað höggin fór það ekki áfram eins flestir stefna á að slá boltann heldur fór hann þvert yfir brautina. Þannig að hann var komin í tvö högg og var aftar miða við fyrsta drævið. Að sjálfsögðu hlóum við ekki af þessu snilldarhöggi, nei nei nei. Flott að vera aftar í öðru höggi miða við fyrsta höggið. Þegar hann sló þriðja höggið fór það líka í stein þannig að boltinn fór aftur tilbaka, þannig að eftir þrjú fjarlægðist hann holuna. Var komin fjær holunni eftir þrú högg miða við stöðu boltans eftir drævið.
Gerir aðrir betur. Enn og aftur hlóum við ekki af þessum snilldarárangri. Emil á heiður skilið fyrir að taka þessu með svona mikilli ró og skemmta okkur hinum í hollinu.

Furðulegt golf í gær ég var með 43% hittar brautir og 45% hittar flatir en 42 pútt, 8 þrípútt!!! Niðurstaðan 25 punktar.

 

Heimir var aftur á móti að spila af mikilli snilld. Hann var 1 yfir eftir 9 holur og með 3 fugla á hringnum.

39 punktar hjá honum. Til hamingju með þessa lækkun, Heimir

Kv, Ingi

 

Lækkun upp á 0,9 hjá undirrituðum - fyrsta lækkun í 3 ár held ég bara...

 

Þess má geta að Ingi spilaði alls ekki SVONA illa, hann var með ótalmargar Reguleisjón-brautir, en hann var ekki með margar regjúleisjon flatir - held hann hafi náð 8 eða 9 þrípúttum - missti sem sagt 9 þrípútt.

 

Kv

Heimir, sem er loksins orðinn golfari aftur...

 

13. leikdagur, Akranes, 26. ágúst

Fórum uppá Skaga í fínu veðri, smá vindur, en alveg þurrt, þangað til við komum inní skála að þá fór að rigna.

Rástímar voru klukkan 17:00 og 17:10 og var hringurinn um 4 tímar og vorum því að koma inn rétt uppúr 9, það er að verða of seint og var farið að rökkva aðeins á tveim síðustu.

67% mæting var í dag og vil ég þakka þeim sem mættu fyrir komuna.

Það er ánægjulegt að sjá að 33% meðlima eru nú þegar búnir að ná lágmarks mætingu og megnið að hinum munu ná þessu ef þeir halda vel á spöðunum á þeim 3 leikdögum sem eftir eru.

Ákveðið var í gær að spila á lokahófsdeginum eftir einhverju ryder fyrirkomulagi og því mun það ekki telja til skors í keppninni okkur, hinsvegar var ákveðið að það myndi telja til mætingar þannig að menn geti bjargað sér ef þeir eiga aðeins einn hring eftir og gefur þá öllum meðlimum félagsins annað tækifæri.

Gott væri að fara að heyra frá lokahófsnefndinni svo menn geti farið að taka frá daginn fyrir hófið og ákveða skipulagið á þessu öllu saman.

Úrslitin eru hér til vinstr.

Formaðurinn.

 

12. leikdagur, Grafarholt, 19. ágúst

Þá er þessum leikdegi lokið, spilað var í Grafarholtinu og á Korpunni.

Rástímar voru á Korpunni klukkan 15:20 og þangað fóru Sammi, Benni og Heimir.

síðan var það klukkan 17:40 og 17:50.

Það varð þó smá misskilningur í þessu öllu saman, þar sem einhver í tímanum 17:30 datt út og Aron, Gulli og Gummi fóru þá 17:30 og Maggi og Óli 17:40 en þar sem Ingi mætti ekki fyrr en aðeins á eftir þá var hann allt í einu einn eftir og spilaði með einhverjum ókunnum, sem hætti þó eftir 9, en Maggi og Óli aumkuðu sér yfir honum á 11. og biðu eftir honum þar.

Fyrra hollið náði inn fyrir myrkur, en seinna hollið spilaði loka holurnar í töluverðu myrkri.

Úrslitin eru hér til vinstri.

Fyrsta gula spjaldið leit dagsins ljós í dag og var það Svenni sem getur ekki náð lágmarks fjölda miðað við dagskrána eins og hún er núna.

Tveir hinsvegar, Gummi og Heimir náðu lágmarks fjöldanum í dag og eru því í mjög góðum málum.

Formaðurinn

11. leikdagur, 12. ágúst, Grafarholt

Þá er 11. leikdegi lokið, spilað var í Grafarholtinu við frábærar aðstæður, bjart, logn, þurrt, sól, og ég veit ekki hvað og hvað.  Völlurinn loksins orðinn góður og flatirnar eins og best verður á kosið.

Rástímar voru 17:30, 17:50 og 18:00, mjög góð þátttaka var þennann daginn og voru mættir til leiks 92% af hópnum og vantaði aðeins Svenna, mig hlakkar til þess leiksdags sem verður 100% mæting, gestaspilari í dag var Guðlaugur Guðlaugs, félagi Magga og Emils.

Það markverðasta í dag var að Heimir tvísló boltinn ekki neitt í dag.

Úrslitin eru hér til vinstri.

Nú er 5 leikdagar eftir og eru tveir meðlimir í hættu með gulaspjaldið þar sem þeir eru aðeins búnir með 5 leiki og þurfa því að mæta alla leikdaga sem eftir eru til að uppfylla lágmarkskröfur.

Formaðurinn.

 

10. leikdagur, 5. ágúst, Grafarholti

Þá er 10. umferð lokið, spilað var í Grafarholtinu.

58% mæting var í dag.

Leikskýrsla frá varaformanni:

Hér koma úrslitin frá því gær. Það var spilað í þvílíku blíðskaparveðri að menn muna ekki annað eins.

Reyndar muna menn ekki neitt en það er annað mál.

 

Það sem var áhugaverðast í okkar holli var að Heimir tvísló boltann ekki bara einu sinni heldur tvisvar sinnum og bæði skiptin með........................... pútter.

Ótrúlegt en satt. Hef alltaf sagt að þessi maður er snillingur í golfi.

Svar frá Heimi:

Maggi, sumt má nú kyrrt liggja... :(  

 

En þetta minnir mig á eitt: Í lokahófinu í fyrra, þegar veita átti tilþrifaverðlaunin, þá mundi enginn neitt.

Nú ætla ég ekki að gera tilkall til tilþrifa fyrir ótrúlegar kúnstir með pútter (reyniði nú samt, þetta er ekki á allra færi...) en við ættum nú að skrá innþ tilþrif eftir hvern hring ef þau eru til...

Kv

HFH

 

Úrslitin eru hér til vinstri.

Formaðurinn

 

9. leikdagur, 29. júlí, Grafarholti

Spilað var í Grafarholti, þar sem undirritaður tók ekki þátt, mætti varamaðurinn skila inn smá leikskýrslu.

Aðeins náðist 57% þátttaka og vil ég þakka þeim sem mættu sérstaklega fyrir sitt framlag til að halda þessu félagi gangandi.

Úrslitin eru hér til vinstri.

 Formaðurinn,