7. umferð í Grafarholtinu

Spiluð var umferð í Holtinu í gær. Mæting var með slakara móti í þetta skiptið eða 6 meðlimir. Einnig mættu 2 gestir, Bjössi félagi Heimis og Svava, betri helmingur hans Sigga. Líklega er þetta í fyrsta skiptið sem kvenmaður spilar með Nafnlausa. Þaqnnig náðum við rétt fylla tvö holl. Veðrið var bara flott. Smá vindur á köflum úr mismunandi áttum og þess á milli stafa logn. Hiti þokkalegur, um 12-13 gráður, en kólnaði þó nokkuð þegar sólar naut ekki við. Annars fóru leikar þannig að Siggi vann Heimi á síðustu holunni. Aron vann Samma 5/3 og leikur okkar Magga endaði í jafntefli og réðust úrslit ekki fyrr en á síðasta púttinu.

Uppfærð staða er á Staða og úrslit 2011

Emil

6. umferð í Holtinu

6. umferð var spiluð í Grafarholtinu í flottu veðri, smá vindur til að byrja með en lægði svo með kvöldinu. Topp mæting, fyrsta skiptið í sumar þar sem allir mæta. Uppfærð staða er á komin inn

Leikir dagsins fóru þannig

Aron - Benni 3/2

Heimir - Maggi 2/1

Ingi - Gulli 4/3

Emil - Óli 3/2

Sammi - Gummi 5/3

Siggi - Sigþór 1/0

Flesta punkta dagsins áttu Siggi og Emil, 36 punkta hvor.

 

5. umferð á Korpunni

5. umferð var spiluð á Korpunni og mættu 8 meðlimir. Veðrir var þokkalegt aðeins hlýrra en venjulega, um 10 gráður og enn smá vindur að NA. Í fyrra hollinu spiluðu Siggi og Sammi og hafði Siggi nokkuð öruggan sigur. Óli átti sinn besta leik í sumar og vann Aron. Í seinna hollinu var ekki mikil spenna en þar vann Benni formanninn næsta örugglega og sama var upp á teningnum hjá Heimi og Gulla en þar spilaði Heimir eins og drottning þar til hann var búinn með Gulla á 15.

Uppfærð staða er komin inn á bloggið

Formaðurinn

4. umferð á Korpunni

Fjórða umferð var spiluð á Korpunni. Veðrið var ekkert spes til að byrja með, kuldi og trekkur að norðan. Þegar líða tók á leikinn þá rættist úr veðrinu og datt nánast í logn. Spilað var í tveimur hollum. Í fyrra hollinu var keppni æsispennandi og réðust báðir leikir ekki fyrr en á 18. Aron vann Sigþór 2-0 og púttaði  Aron niður 20m pútti fyrir fugli á 18. Siggi vann formanninn með síðasta púttinu sínu, náði pari en Emil rétt missti parið, sem sagt 1-0 fyrir Sigga.

Í seinna hollinu spiluðu Benni og Heimir og vann Benni þann leik 3-4. Gulli vann svo Samma 3-1. Munið að senda inn leikskýrslur á bloggið

Formaðurinn

Bolti týndur í blámerktu svæði

Ég sló út til vinstri á 10. braut í svæði sem er merkt með bláum/hvítum hælum. Spurningin er, þarf bolti að finnast til að geta tekið högg vítislaust?

Gildir almennt að ef slegið út í blámerkt svæði þarf bolti að finnast til að geta haldið áfram?

Emil

Moldarflag hægramegin á 13. á Korpu

Ef slegið er í moldina hægra megin á 13 holu (þar sem verið er að búa til nýja braut), hvernig skal taka víti þar? Þar eru engir hælar þ.a. eina leiðin er að víta sig aftur í moldina? Er það rétt.

Þriðja umferð á Korpunni

Þriðja umferð var spiluð á Korpunni í gær. Veðrið ekkert sértakt en slapp til. Hiti um 8 gráður og vindur SA um 6-7m/s.

Alls mættu 8 og voru leikir bara nokkuð spennandi fram á síðustu holur. Í fyrra hollinu réðust úrslit ekki fyrr en á síðustu holunni. Siggi vann Benna 1-0 og eins var upp á teningnum hjá Inga og Sigþóri þar sem Ingi vann einnig 1-0.

Í seinna hollinu vann Gulli Óla 3-2 og Emil vann Samma 2-1

Komin er síða fyrir stöðu í holu- og punktakeppni. 

Athugið að kíkja á síðuna Dómarahornið þar sem menn geta sett inn ýmis atriði sem þurfa úrskurð dómara. Endilega kommenterið ykkar skoðanir og úrskurði ;-)

Þið þurfið að senda mér í pósti texta með dómaraspurningu. Ég mun þá setja hana inn en allir geta síðan  tjáð sig um færsluna með því að skrifa athugasemd

kv, Formaðurinn